Aakhir Kyun?

Ruk se gaye hain raaste
Ruk si gayi hain manzile
Kyun legta hai seb kuch berang?
Kyun her vo beete hue pal yaad aate hain jo tum bhula dena chahte ho?
Kyun kisi ko bhula dena itna mushkil hota hai?
Kyun dukhi mann lekar bhi hasna padta hai?
Kyun iss duniya ko ek jhoota chehra dikhana padta hai?
Kyun sapne sanjota hai ye baavra mann jeb usse pata hai ek din saare sapne sheeeshe ki tarah toot jayenge?
Kyun her pal dil bhari rehta hai?
Kyun her pal ye khoya rehta hai?
Kyun hasna bhi bhari ho gaya hai?
Inn seb savalo ka shayad koi jawab nhi hai.......... aur shayad hai.

Jee Chahta Hai

Zindagi ke kuch panno ko palatke jeene ko
jee chahta hai.....
Guzar gaye jo pal haath se rait bann ke unn pallo ko phir se mutthi mein dabochne ko
jee chahta hai.....
Zindagi ke haare hue lamho ko jeene ka
jee chahta hai.....
uss haar ko apni jeet banane ka
jee chahta hai.....
Gum gaya jo pal abhi tha saamne usse phir se dekhne ko
jee chahta hai.....
Zindagi ko jeene aur usse jeetne ko
jee chahta hai.....
Unn beetein hue lamho ko sametne ka
jee chahta hai.....
Apne sapno ko apni palko pe sajane ka
jee chahta hai.....